په افغانستان کې د کوېډ-۱۹ له وجې د بېوزلۍ ارزونه

افغانستان تر کوېډ-۱۹ د مخه هم د دوامداره جګړې او سختو وچکالیو له وجې له خوراکي اړخه بسیا نه و. د کوېډ -۱۹ اغېزو بیا د زیاترو کلیوالي او ښار مېشتو کورنیو وضعیت لا پسې ترېنګلی کړی دی. د هېواد په ګوټ ګوټ کې د سروې ارقامو له مقداري تحلیل جوتیږي، چې له کوېډ -۱۹ د مخه (۲۰۱۹ اکټوبر  بیا تر ۲۰۲۰ز کال مارچ پورې) ۶۹ سلنه کورنۍ د اړتیا وړ خوراکي موادو نشتوالي په اړه اندېښمنې وې، دا شمېره د کرونا وبا په لومړنیو میاشتو(۲۰۲۰ز کال له اپرېل تر سپټمبر میاشتو کې) ۷۶ سلنې ته لوړه شوه. د دغو مهمو سرټکو لپاره مرکې او ډله ییز بحثونه په کلیوالي او ښاري سیمو کې د ۲۰۲۱ز کال د جون او جولای میاشتو ترمنځ د کندهار په ښار، او د کندهار ولایت په ډنډ ولسوالۍ کې دغه راز په هرات ښار او د هرات ولایت په پشتون زرغون او انجیل ولسوالیو کې  ترسره شوي دي.