په افغانستان کې د بحران په وړاندې د اروپایي اتحادیې د غبرګون ارزونه

اروپایي اتحادیه د خپلو غړو دولتونو سره د افغانستان لپاره کلیدي مرسته کونکی دي چې له کال ۲۰۰۲ څخه تر کال ۲۰۱۰ پورې یې له افغانستان سره نژدې ۸ ملیارد یورو مرسته کړې. له نړیوالو همکارانو سره په ګډه، اروپایي اتحادیې د ټینګښت او بیا رغونی په  هڅو کې ډېره مهمه ونډه درلوده. په ۲۰۰۱ کال کې د طالبانو د واکمني له نسکورېدو وروسته، نړیوالی ټولنی له بیلابیلو افغاني، سیاسي نخبه ګانو سره یو ځای په بن کې د ملګرو ملتونو په کنفرانس کې راغونډ شول او په پایله کې یې د بن تړون تصویب کړه. دې تړون په افغانستان کې موقته اداره وټاکله او دغه راز نړیوال پوځي ځواکونه یې وګمارل چې د کابل او نورو ولایتونو د امنیت په برخه کې له نوې اداري سره مرسته وکړي. اروپایي اتحادیي او د هغی غړو دولتونو تړون وکړه چې له افغانستان سره د قانون د واکمني د یوه پیاوړی چوکاټ په تاسیسولو کې مرسته وکړي.