په افغانستان کې د اجرائیه قوې تکامل: تیر ته کتنه او راتلونکي لپاره وړاندیزونه

په ۲۰۰۱ کال کې له واک نه د طالبانو له پرځیدلو وروسته، افغان مشران د یوه نوي ډیموکراتیک افغان دولت د بنسټونو د جوړولو لپاره سره راغونډ شول. د بُن په کنفرانس کې پلان وشو چې په ۲۰۰۴ کال کې باید د یوه نوي اساسي قانون مسوده جوړه او تصویب شي او په هیواد کې دې د ولسمشرۍ د لمړني انتخاباتو لار پرانیستل شي. دیارلس کاله وروسته، مناسبه به وي چې د افغانستان د اساسي قانون ارزونه د غوره شوي حکومتي سیستم په پرمختګ کې وشي او په ځانګړي توګه، دې ته وکتل شي چې آیا په اوسنۍ بڼه کې اجرائیه قوه د هیواد اړتیاو ته ځواب واي که نه. دغه لیکنه په افغانستان کې د اجرائیه قوې تکامل ته کتنه کوي. د افغانستان د اساسي قانون تاریخي پس منظر ته په کتلو سره، دغه مطالعه هڅه کوي چې د افغانستان د ملي یووالي اوسنی حکومت تاریخي مبحث ته پریږدي، له تیرو تجاربو نه زده کړو ته اشاره وکړي او د اساسي قانون له اړخه، د راتلونکي لپاره واقعبینانه او رغنده وړاندیزونه وړاندې کړي.