په جګړه کې حلوا نه وېشل کیږي: له ۲۰۰۱ زیږدیز کال راوروسته په افغانستان کې د انتقالي عدالت د ځوابونو او تګلارو ارزونه

د تېرو ۴۰ کلونو په ترڅ کې د افغانستان په جګړه کې د ښکېلو خواوو له ډلې هرې یوې یې اساسي بشري حقوق یا نړیوال بشردوستانه حقوق تر پښو لاندې کړي دي. دا هغه ترېخ واقعیت دی، چې د هېواد بڼه یې بدله کړې او د بین الافغاني مذاکراتو لومړني پړاوونه تر خپل اغېز لاندې راولي. د بن ۲۰۰۱ زېږدیز کال تړون له بشري حقونو د سرغړونې او جګړه ییزو جرمونو په سیستماتیک ډول پېژندلو ارزښت ته اشاره کړې ده او د افغانستان بشري حقونو خپلواک کمېسیون له رامنځ ته کولو یې هم یادونه کړې ده، چې یاد کمېسیون د انتقالي عدالت په باب یو لړ نوښتونه هم کړي دي. پردې سربېره له یاد هوکړه لیک راوروسته جګړه ییزو جرمونو ته د لاسرسي مروجه تګلاره د تېر هېرولو او پر راتلونکي تمرکز کولو (تېر په هېر) ده.